A ver, va ser pola enxabonada, pero creyemos que toa persona tien derechu a desafatar. Colo qu’empicipiamos una estaya n’Ilusiones Frayaes pa facer tolo posible por sacar a la xente fato del fatismu.
Agora mesmo vamos con una bona gordura, y pinta pa dir a más. Cuandu esconsonemos, yá te lo diremos, Galileo.
Anarcofresadores Estaya Aeronáuitca
FADE, fadiando a la xenti trabayaora, fediendo a la xenti trabayaora, finando cola xenti trabayaora, fodiendo a la xenti trabayaora y fundiendo a la xenti trabayaora.
La Xente Fato paez nun cansar de lladrar les mesmes fataes (yá milenta veces desmentíes) a diario, coa ayuda de tolos axentes de la boborolada axuntándose y sofitando la so miserable causa de consiguir desaniciarles les dos llingües d’Asturies, l’asturianu y el gallegu-asturianu
Nós sabemos que son xente malo, pero comu anarquistes creyemos que pueden desalienase.
Asina, que Federación Anarquista Asturiana, llibre y soberana, y perteneciente a la Federación Anarquista Mundial, sabiendo que la Xente Fato va siguir siendo incapaz de dar argumentu nengún escontra la Oficialidá de les llingues d’Asturies aparte de lladrar “España” y mierdines d’eses. Lo mesmo que cola so defensa de los privilexos, capitalismu, y una llista llarguísima de fataes, alcuerda sacar esti comunicau.
“Entregái les armes y los medios de producción, renunciái a cualesquier privilexu, disolvéivos ente’l pueblu y entamái a puxar pola Anarquía.
Facéilo ceo, y perdonarásevos.
Primer Avisu.”
-FAA
Dempues nun vengais llorando “mirábenme mal, tirábenmos dinamita, estrozaron la Universidá” y bobadines d’eses. Tá ufriéndosevos la oportunidá de ser bones persones.
P.D.: Sofiten el comunicautamuen la Asamblea d’A.I.’s ya Fierro-Seres d’Asturies y los Comandos pola Llibertá de los Pingüinos de Caleya.
El punk ye lo que-y dá a la nuesa xenti la so fuercia. Ye un campu d’enerxía creau por tolos seres vivos y les coses con sentiera. Arródia-mos y flúi-mos per dientro, y caltién xunía la galaxa.
LES TRES LLEIS DE LA ROBÓTICA LLINGÜÍSTICA
1- Toa persona falante d’asturianu o gallego asturiano nun podrá usar l’asturianu o el gallego asturiano delantre d’una persona falante d’español, seya de móu oral, escritu, xestual o telepáticu, ya que sería una imposición.
D’igual móu, tampoco podrá facelo delantre d’una persona falante de cualesquier otra llingua, ya que quedaría dafechu fóndamente confundía.
2- L’asturianu y el gallego asturiano serán protexíos y fomentarase la so conocencia ente les persones non falantes, siempres qu’esto nun entre en conflictu cola Primer Llei de la Robótica Llingüística.
3- L’asturianu y el gallego asturianu podrán usase llibremente y ensín torga nenguna, siempres qu’esto nun entre en conflictu nin cola Primer nin cola Segunda Llei de la Robótica Llingüística.
Esto ye nel monte coles vaques o en casa, y siempres qu’ello seya posible, en silenciu.
Ilusiones Frayaes 