24H Faciéndolo – I Maratón d’Ilusiones Frayaes

24 FÁITELOS TOTALMENTE NUEVOS
24 FÁITELOS TOTALMENTE INÚTILES
24H FACIENDO’L MONGOL
24H PERDIENDO
24H PERDÍES
24H DE SIGUIMIENTU
24H DE FRONSTINS, ALCOHOL Y TMNT
24H DE SORPRESES Y BABAYAES

¡Con firmes de llibros y encurtíos virtuales!

8/8/2+0+1+5=8
8+8+8=24

Más info equí:
24H FACIÉNDOLO – I MARATÓN D’ILUSIONES FRAYAES

Fáitelo – Tutoriales D.I.Y. [Fáitelo 28, Xunetu 2015] Espionaxe y Disimulu. Cómu contemplar Arte

Espionaxe y Disimulu. Cómu contemplar Arte.

I – Materiales.
Na llucha pola Ciencia y la Revolución Social, habrá veces nes que seya necesario usar táutiques d’Espionaxe y Disimulu, pa poder llegar a oxetivos afayadizos pa la Causa.
Nun ye una cosa que n’Ilusiones Frayaes mos preste, ye más, dengún miembru d’Ilusiones Frayaes podría, por muncho que lo intentara, facese pasar por una persona o humanu nornal. Pero dexamos equí esta información qu’igual puede ser útil a otros lluchadores de la llibertá.
Güei el tutorial ye al rodiu cómu movese con disimulu, aparentando ser ún más, en situaciones nes qu’haya Arte. Pueden ser esposiciones, museos, conciertos, xente d’esto que fai coses pela cai, o cualesquier otra situación artística. Sentimos nun poder ufrivos más información, pero nosotros d’Arte poco, somos más d’artos y escayos…

II – Disimulu.
Comu n’Ilusiones Frayaes nun somos quién a distinguir ente arte y artesanía o ente bono y malo, y namái sabemos si daqué mos presta o nun mos presta, vamos cuntavos un trucu que puede llegar a funcionar pa facese pasar por una persona.
Esto ye, poner cara y postura d’ello, y falar lo menos posible.
Na semeya vemos cómu poner pistura y cara d’ello en cuantes a arte se refier. Hai qu’intentar amosar qu’entendemos lo que vemos.

III – Contemplando l’Arte.
Y dicimos contemplar, porque nun se va perhí mirando Arte. L’Arte hai que contemplalu, si ye d’oyir hai que tastialu colos oyíos, y too asina.
¿Cómu se fai esto?
Pues poniendo cara y postura d’ello y mirándolo, comu si de verdá mos interesare o lu entendiésemos.
Muncho arte ta colgao peles paredes, y pa esti tutorial escoyimos una obra d’Arte mui conocía, que puede vese en milenta esposiciones al rodiu’l planeta.
¡Y yá tá!
¡Suerte!

Fáitelo – Tutoriales D.I.Y. [Fáitelo 27, Xunetu 2015] Cómu chupase’l deu

Cómu chupase’l deu.

I – Materiales.
Nun hai muncho que dicir.
Enxamás algamaremos avances científicos o la Revolución Social si nun sabemos que deu chupar y cómu facelo.

II – Preparación d’E.P.I.s (Equipos de Proteición Individual).
Pa poder chupar el deu, cortamos el guante, ya que d’otra mena taríemos chupando’l guante.
Y ye necesario saber que cuandu falamos de chupar el deu, tamos falando del Deu Gordu o Deón.

III – Zarramos la manina.

IV – Cola manina zarrada, acercámosla al focicu.
Esto ye pa nun tirar coses pel camín o meter el deu en güeyu.

V – Sacamos el deu, abrimos la boca y metémoslu endientro d’ella, pero siendo siempres conscientes de les distancies de seguridá pa nun mancase.

VI – ¡Y chupamos!
¡Yá tá!

Fáitelo – Tutoriales D.I.Y. [Fáitelo 26, Xunetu 2015] Anatomía Sub-humano. Deos de manes.

Anatomía Sub-humano. Deos de manes.

I – Materiales.
Aprovechando que va facemos falta pa futuros tutoriales. Ilusiones Frayaes amuésavos güei esti detalladísimu tutorial só la anatomía, nomes y usos más comunes de les manes sub-humanes.
Namái vamos poder vivir dende l’autoxestión dempues d’algamar un grau de conocencia total del propiu cuerpu y de les sos capacidaes.
Comu ecemplu d’ello, y relacionao col tutorial, hai xente que depende’l tipu deos que tea, dizse d’ellos que tienen manes de pianista, de ciruxanu, etc… N’Ilusiones Frayaes tamos arguyosos de tener Manes Mongolines o Manes de Trasgu (porque paez que tan enllenes de furacos), faciéndomos posible que se mos caigan y tiremos coses que pa un humanu mediu queden fuera de toa posibilidá, y además faciéndolo con clás.

II – Xeneral. Nomando y asitiando los deos.
Ehí tenemos una man. Lo más normal ente sub-humanos ye tener dos manes, pero esi númberu puede variar ente cero y más.
Suel ser común que una seya comu la imaxe de la otra nun espeyu, y que una seya izquierda y la otra drecha.
En cada man suel haber cinco deos (normalmente cada deu tien uñes per fuera y güesu y otres coses endientro), pero otra vuelta esti númberu puede variar ente cero y más.
Na semeya del tutorial tenemos una man izquierda colos cinco deos habituales. Equí vamos nomalos, entamando pela izquierda:
-Barrendeu.
-Deostia.
-Dau.
-Patí.
-Deón.
Sí, tan rebautizaos por Ilusiones Frayaes, y son una mietda nomes, pero la mierda tamien ye Ciencia y Revolución.

III – Deu Gordu o Deón.
Nómase asina porque suel ser más gordu que los demás deos.
Los usos más espardíos son pa dicir “OK” , pa chupalu, pa.facer auto-stop o pa dicir “Matáilu”

IV – Deu de Dicir “Pa tí” o Deupatí .
Nómase asina por ser el deu que úsase pa señalar a daquién y dedicá-y un sonoru y bien fechu trabayu de los Ñuberos Intestinales.
Aparte de servir pa dedicatories gaseoses, suel utilizase pa señalar, pa pidir turnu o vez, pa calcar botones, picar en timbres, tecliar en tecles, y moviéndolu pa dicir “Non, non…”.
La verdá ye que ye un deu un pocu autoritariu, comu llibertarios tenemos de deprender a llevalu y nun dexámos influyir muncho por él.

V – Deu Dar o Dau .
Tamien nomáu Deu Cona-Culu o Anular en castellán (Del Asturianu Antiguu anu-llar, habitante del anu), el nome vien d’usase sobte too pa dar, dar placer o dar pol culu.
Mui usáu comu puñal nos apuñalamientos de les femes, pa meter en culu propiu a axenu y comu saludu en dalgunes cultures (Comu bien tuvi a ver na cabera Espedición Antropolóxica a Águilas sofitada pol U.C. Ciares).

VI – Deu la Hostia o Deostia .
El nome vien del fechu que nun sabemos entá pa que puede usase, y si daquién tien remangu con él, tien que ser la hostia.

VII – Deu Barrer o Barrendeu .
El nome vien por ser el deu más amañosu (porque ye el más piquiñucu) pa meter nes ñarices a guetar mocos y nes oreyes a sacar cera.
Otru usu en dalgunos ambientes de la élite capitalista aparte de llimpiar mierda, ye beber fino (té o café sobre too).

VIII – ¡Y yá tá!
Correuto…

IX – …correuto (dizse dos veces).

Fáitelo – Tutoriales D.I.Y. [Fáitelo 25, Xunetu 2015] Moda Entetiempu 2015. Xilecu con mangues.

Moda Entetiempu 2015. Xilecu con mangues.

I – Materiales.
Entrugaréis-vos por qué.
Retrucámos-vos, ¿por qué non?

II – Facémosnos con dos mangues.
Hai munches maneres de conseguiles Les más comunes son faciéndoles o quitándo-yles a cualesquier abrigu, batona, camisa, chaqueta, etc…
Pa esti tutorial vamos quitá-yles a una camiseta vieya con un color que conxunta perbien col nuesu xilecu.

III – Ponémos-y una manga.
Tamien pa esto esisten munches maneres, dende coselo, texelo, poné-y imperdibles, etc… Nós vamos asoleyávos una téunica.recién descubierta, y tràtase d’aprovechar les capacidaes de los nuevos Materiales Intelixentes o con Memoria pa consiguir una xuntura muncho meyor que con aguya y filu.
Esti material ye la Cinta Carrocero.
Asina qu’arrodiamos bien con Cinta Carrocero, con precuru pa que toque tantu manga como xilecu.

En casu querer usar imperdibles, equí teneis más información:
Usu y manexu d’imperdibles I. Nivel Básicu
Usu y manexu d’imperdibles II. Nivel Avanzáu.

IV – Facemos lo mesmo cola otra manga.

V – Activando’l Material Intelixente.
Pa ello, tenemos que facer salir la intelixencia emocional de la Cinta Carrocero.
El móu más cenciellu ye abrazándola, dando-y miminos y diciendo-y cosines guapes.
Esto va facer que la Cinta Carrocero se ponga tiernuca y rigodona, xuniéndose a nivel molecular col xilecu y la manga.
Comu veis ye una xunión muncho más fuerte que cualesquier otru tipu de xuntura ente teles.

VI – ¡Y yá tá!
¡A cortexar!

Más al rodiu Moda Entetiempu 2015:
Fáitelo 06 – Moda Entetiempu 2015. Pañuelu Eorking Class.

Fáitelo – Tutoriales D.I.Y. [Fáitelo 24, Xunetu 2015] Lockpicking. Cómu abrir una puerte

Lockpicking. Cómu abrir una puerte.

I – Materiales.
RECORDÁI, EL LOCKPICKING TÁ CONSIDERÁU COMO DELITU POLOS FATOS AL SERVICIU’L SISTEMA. LA POSTURA OFICIAL D’ILUSIONES FRAYAES YE QUE SÚDAMOSLA.
Averámosvos de nueves un tutorial só’l Lockpicking, que vien a ser la Ciencia qu’estudia y pon en práutica el móu de superar cualesquier sistemes de seguridá físicos, dende peslleres, candaos o puertes a caxes fuertes y cofres del tesoru.
Nesti Fáitelo vamos centramos nel tema d’abrir una puerte. Porque la mayoría la sociedá tá adormecio y nun se dá cuenta, pero si hai daqué qu’Ilusiones Frayaes tien bien nidio, ye que saber abrir una puerte va abrimos munches puertes na vida.
Yá pa finar esti entamu, sabemos que la tipoloxía de puertes ye mui bayurosa, polo que pa esti tutorial vamos centramos nun tipu bastanti común, con Maniella de Dar p’Abaxo.

II – Estudiando’l problema.
Importantísimu pasu, trabayu previu d’investigación y documentación, pa determinar la tipoloxía la puerte, materiales puntos fuertes y debilidaes, pa finar proyeutando una estratexa afayaíza p’algamar l’oxetivu, nesti casu abrir la puerte.
Too esto puede resumise en “Miramos y pensamos”.

III – Garramos la maniella.

IV – Baxamos la maniella.

V – Cola maniella embaxo, emburriamos.
Nun va, nun vos preocupar, entá tenemos un as na manga’l xilecu.

VI – Cola maniella embaxo, tiramos pa nós, ¡y ábrese!
¡Yá tá!
¿Qu’aventures mos esperarán tres d’esa puerte, qué mierda nuevo na qu’esfozar?

Más al rodiu Lockpicking::
Fáitelo 07 – Cómu chupar un candáu.

Fáitelo – Tutoriales D.I.Y. [Fáitelo 23, Xunetu 2015] Guerrilla urbana. Granaes d’Hidrocelulosa

Guerrilla urbana. Granaes d’Hidrocelulosa.

I – Materiales.
AVISU IMPORTANTE, EL CAPITAL Y LA SO FATADA PUEDEN PERSEGUIVOS NAMÁI POL FECHU DE TENER ACCESU A ESTA INFORMACIÓN.
Güei asoleyamos otru tutorial pa siguir cola guerra escontra’l Capital y les sos lexones de fatos.
Vamos averamos a les Granaes d’Hidrocelulosa, un arma que bien usao va damos una ventaxa táutico importantísima na nuesa llucha.
Les Granaes d’Hidrocelulosa, tan feches con una pasta de celusa hidratao de cementación rápida. Esta pasta vamos conseguila con una cenciella reacción química ente Agua y Papel Hixénicu.
Dempues de moyau el papel, recúdese, y tírase. Eso, xunta la fuercia del impactu, va facer qu’enseguida se tresforme en sólidu, entamando una mui gorda.
Hai que dicir equí que nun se puede facer la revolución de cualesquier mena, nun somos monstruos, y tenemos de siguir unes normes morales. El Papel Hixénicu nun tien que tar usáu, eso entraría na guerra químico.
Y enantes de siguir col tutorial, tenéi siempres munchu curiau col tiempu ente’l recudíu y la cementación, ye mui peligroso y puede acabar en pérdides d’estremidaes.

II – Garramos papel hixénico o asomeyau (Ye importante que seya finín, porque va potenciar la reacción química, y va facese pasta enantes y facemos una bola papel.
Si tovía nun sabeis facer una bola papel, equí teneis el Fáitelo 02 – Fái una bola papel..

III – Moyámos la geanada.

IV – Recudimos la granada.

V – Tiramos la granada.
¡Fueu!

VI – Equí vemos l’impactu. ¡Dái-vos cuenta qué poder de destruición!

VII – Blancos afayaízos.
Equí dexámosvos con unos conseyos d’a onde apuntar pa facer mayor dañu.
Fatos: Güeyos, cara y pies, asina comu armes.
Vehículos: Ruedes, cadenes y cristales.
Aparatos Lletrónicos: Cualesquiet llau pa facer curtios.
¡Y yá tá, a reventar!

Fáitelo – Tutoriales D.I.Y. [Fáitelo 22, Xunetu 2015] Cómu manchase

Cómu manchase.

I – Materiales.
Nel día a día del científicu-revolucionariu, la hixene ye perimportante, pero tamien lo ye el saber manchase. ¿O nun hai mayor premiu al llavase que ver cómu te quites la mierda, y lo mesmo al llavar la ropa o fregar el suelu?
Sabéi que con paciencia ya entrenu, podéis llegar a facelo automáticamente de móu inconsciente, comu bien podemos aseguravos dende’l equipu d’Ilusiones Frayaes.

II – Parte del cuerpu, ropa u oxetu a manchar.
Pal exemplu vamos usar un bracín.

III – Arrimámos la parte’l cuerpu, ropa u oxetu a dalgún llau puercu.
Pal exemplu frotámosnos un pocu, cola práutica vereis que sois quien a facelo ensín davos cuenta siquiera, casi paecería que ye ensín querer.

IV – ¡Y yá, tamos manchaos!
Agora a pasalo pipa cola frotaera al llavase…

Fáitelo – Tutoriales D.I.Y. [Fáitelo 21, Xunetu 2015] Guerrilla urbana. Trampes de resbalu

Guerrilla urbana. Trampes de resbalu.

I – Materiales.
Tamos arguyosos de presentavos güei les téuniques más avanzaes en Trampes de resbalu usáes poles fuercies d’elite del capital, que un grupín de lluchadores pola llibertá fué quien a robar delantre les sos ñarices, pa que podais lluchar escontra lis putos fatos d’igual a igual.
Porque’l capital nun se dá cuenta que nun faen falta trampes pa facemos cayer, sabemos perbien facelo solos.
Equí dexámosvos los tres tipos de Trampa de resbalu más efeutivos.

II – Pelleya de pláganu.
Pa esta trampa, tenemos d’abrir un pláganu dexando cuatro tirines de la pelleya colgando, comu veis na semeya.
El pláganu podeis xintalu, que ye mui bonu y tien Potasio.

III – Preparación.
Ponemos la pelleya en suelu, cola parte de dientro escontra abaxu.

IV – Bolines.
Pa esta trampa van facemos falta boles. Nel exemplu usáronse rodamientos, pero valen tamien otros tipos de boles (les del Tragaboles, la Lotería, el guá, etc…).

V – Preparación.
Tirámos les boles en suelu.

VI – Aceite.
Pa esta trampa, fáemos falta aceite, comu bien diz el nome.

VII – Preparación.
Tirámoslu pel suelu.

VIII – Señes.
Les fuercies del capital, dalguna vegada pueden llegar a paecemos xenios de tan fatos que son, asina que ye necesario dexá-yos señes y coses que los enfaden pa que vayan drechos a la trampa.
Con donuts tamien furrula.

IX – Ciencia detrás de les Trampes de resbalu.
L’oxetivu d’esti tipu trampes ye facer baxar el coeficiente rozamientu del fatu, de mena que tea una mayor aceleración en mui pocu tiempu, y pierda asina el so centru gravedá, resultando d’ello un hostiezu.
¡Y yá tá!
¡A por ellos!

Fáitelo – Tutoriales D.I.Y. [Fáitelo 20, Xunetu 2015] Usu responsable de drogues. Burbuxes de plásticu

Usu responsable de drogues. Burbuxes de plásticu.

I – Materiales.
¿Son peligroses les drogues?
Non.
¿Hai que consumiles?
Home ho, claro que sí. Sinón qué puta mierda podríemos facer con tanta mierda y falsedá al rodiiu nuesu.
Pero hai que facelo con responsabilidá.
Nesti tutorial vamos falar d’una de les drogues más adictives, les Burbuxes de Plásticu. Munches families estrozaron estes sustancies del xéneru de les Burbuxamines, que tienen una pelleya plásticu alredor d’aire.
Vémosvos con ganes, asina qu’entamamos.

II – Presentación de les dosis.
Les Burbuxes de Plásticu, una vegada procesaes, lleguen a les farmacies en caxuques de 10 uds.

III – Garramos una dosis.

IV – ¡Y reventámosla!
¡Yá tá!

V – Abusu responsable.
Dempues de drogase, guarda’l plásticu na caxuca pa poder reciclalo.
Eso ye responsabilidá.
¿Cuál ye’l límite d’abusu?
Depende cada persona, vezu, costume.
¿Reventasti?
Esi yera’l tuyu.